Аргентинанинг «Альмагро» клуби футболчиси Франко Кирос полициячи томонидан ўлдириб қўйилиши мумкин эди, деб хабар беради The Sun.

«Атлетико Парана» (0:1) клубига қарши ўйиннинг охирида мухлислар орасида тўполон бошланиб кетди. Натижада Кирос уларни тинчлантириш учун трибунага чиқиб олди. Полиция ходимлари эса резина ўқларни отиб, мухлисларни тарқатиб юбормоқчи бўлишди. Ўқлардан бири тасодифан 26 ёшли Кироснинг бошига тегди. Шундан сўнг у касалхонага олиб кетилди.

Кейинчалик Кирос омади келиб тирик қолгани ва ҳаётига ҳеч нарса хавф солмаётгани ҳақида гапириб берди.