Спорт юристи Пол Грин Сочида ўтиши белгиланган бобслей ва скелетон бўйича жаҳон чемпионатининг бекор қилинишига шарҳ бераётиб, Россиянинг Конфедерайиялар кубоги-2017 мусобақасидан ҳам маҳрум бўлиши мумкинлигини айтди.
"Маклареннинг докладидан сўнг нималар бўлаётганига ажабланганим йўқ, ҳаммасига шу сабабчи бўлди. Ҳаммаси шунга олиб келди, бошқа спортчилар томонидан бойкот бунга туртки берди, холос. Бундан қочиб қолиш қийин эди.
Мусобақа Германияда ўтса, ҳеч ким сезмайди, аммо Россияда кенг муҳокама қилинади. Чемпионатнинг допинг ҳолатлари рўй бериши мумкин бўлган Сочида ўтиши жаҳон жамоатчилигининг норозилигига олиб келди.
Россия бошқа йирик мусобақалар, ўтказилишига ярим йил қолган Конфедерациялар кубогидан ҳам ажралиши мумкин. Суҳбатлар бошланиб кетган бўлиши ҳам мумкин", - дейди Грин.
