Европа клублари ассоциацияси (ЕКА) жаҳон чемпионати иштирокчилари сонининг оширилишини қоралади.
Бу ҳақда ташкилотнинг баёнотида хабар берилмоқда.
«32 жамоа иштирокидаги мусобақа ўзини ҳар томонлама оқлаган. Унинг ўзгартирилиши ҳеч қандай афзалликка эга эмас. Бундан ташқари, мусобақа бошланишига 9 йил қолганида бундай ислоҳотни тезкорлик билан амалга оширилиши ва унинг иштирокчилари фикрини инобатга олинмаслиги бизни ҳайрон қолдирмоқда.
Биз бундай қарорни сиёсий сабаблар ва босим туфайли қабул қилинганини тушунмоқдамиз. ЕКА бу борада афсусда эканини маълум қилади» - дейилади баёнотда.
