Озарбойжон пойтахти Боку ва Испания пойтахти Мадрид ЕЧЛ-2018/19 финалини ўтказиш учун ариза бердилар.

Бу ҳақида УЕФА матбуот хизмати хабар бермоқда.

2018/19 мавсум мусобақалари финал ўйинларини ўтказиш учун ариза қабул қилиш 27 январь куни тугаган.

Озарбойжон пойтахти ўша мавсумда яна бир мусобақа - Европа лигасининг финалини ўтказиш учун давогарлик қилмоқда. Бу учрашув учун Бокудан ташқари Тбилиси, Франукфурт, Штутгарт, Глазго, Севилья ва Истанбул шаҳарлари давогарлик қилмоқда..

УЕФА Суперкубогини ўтказиш учун Тирана, Тулуза, Будапешт, Хайфа, Астана, Белфаст, Гданьск, Варшава, Глазго ва Истамбул шаҳарлари курашадилар.

Аёллар ўртасида чемпионлар лигаси финалини ўтказиш учун Прага, Будапешт, Астана, Каунас, Глазго ва Мадрид шаҳарлари курашадилар.

УЕФА ижроқўми ғолибларни сентябрь ойида аниқлайди.