"Ювентус" ҳимоячиси Леонардо Бонуччи жамоа бош мураббийи Массимилиано Аллегрига қарата ишлатган номаъқул сўзлари учун клуб томонидан жаримага тортилади.

29 ёшли футболчи Иатлия чемпионатида "Палермо"га қарши учрашув (4:1) чоғида мураббий номига сўкиш сўзларини ишлатган. Бонуччининг сўзлари трансляция эфирига тушиб қолган, дея хабар беради La Gazzetta dello Sport.

Бонуччи ва Аллегри кейинроқ келишиб олдилар, аммо "Ювентус" футболчини жаримга тортиш билан жазолашга қарор қилди. Жарима суммаси ошкор қилинмаган.