"Ювентус" бош мураббийи Массимилиано Аллегри ЕЧЛ чорак финалининг биринчи учрашувида "Барселона" устидан қозонилган ғалабадан сўнг (3:0) фикрларини билдирди
"Тан олиш керак бугун зўр ўйнадик. Жамоа техник жиҳатдан ҳимлода ҳам, ҳужумда ҳам яхши ўйнади. Яримфинал учун биринчи қадамни қўйдик, аммо жавоб учрашуви бутунлай бошқача бўлади. "Барселона"дан ўтиш имкониятимизни фоизларда баҳолай олмайман. Жавоб учрашувида ҳам рақиб дарвозасини мўлжаллаб ўйнаймиз.
Мен орзу қиладиган инсонман, шу билан бирга прагматик ва реалистман. "Ювентус" ўсмоқда, бундан хурсандман. Энди "Ювентус"ни Европада ҳурмат қила бошлайдилар - бу клубдаги учи йиллик меҳнатимнинг энг асосий натижаси.
Дибала бугун ўз савиясини кўрсатди. Ҳамма яхши ўйнади. Пауло ҳужумларни охирига етказишда қойилмақом бўлди. Унинг учун ва жамоа учун хурсандман", - дейди Аллегри.
