Италиялик таниқли мураббийи Арриго Сакки ЕЧЛ чорак финалининг биринчи учрашувида "Ювентус"нинг "Барселона" устидан ғалаба қозонгани (3:0) уни ҳайрон қолдирмаганини маълум қилди.
"Натижадан ҳайрон қолмадим. Аксинча, дастлабки дақиқалардан бу биз кўриб ўрганиб қолган "Барселона" эмаслигини пайқадим. У нима қилишни билмай волди, жойида қотиб қолди ва тўпнинг келишини кутиб қолди. Қандай қилиб бунақа ўйнаш мумкин?
"Ювентус" "Барселона"нинг чегарасини кўрсатиб қўйди. Аллегри бу таркибни ва ҳужумкор вариантни танлаб ажойиб иш қилди. Бу "Ювентус"га ишонч бағишлади. Туринликлар "ПСЖ" йўлини такрорламасалар керак. "Ювентус" жуда кучли ва ўз кучига ишончи юқори. Жавоб учрашувида "Барселона"га бўш ҳудудлар қолдирмаслик керак ва уйдаги ўйин каби ҳаракатланиш керак", - дейди Сакки.
