"Ювентус" бош мураббйи Массимилиано Аллегри ЕЧЛ яримфиналининг биринчи учрашувида "Монако" устидан қозонилган ғалабадан сўнг (2:0) фикрларини билдирди.

"Ўйин осон бўлмади, шунинг учун жамоамни мақтаб қўйиш ортиқча бўлмайди. "Монако" ўйинчилари жуда техникалидирлар. Биз бир неча хатолар қилдик, ҳисоб очилмаган вақтда Буффон бизни қутқарди. Майдонда жазирама бошланса, Буффонга ишониш мумкин. У дунёнинг энг яхши давозабони.

Пьяничдан жуда жаҳлим чиқди. У дунёнинг энг яхши уч яримҳимоячиларидан бири бўлиши мумкиндир, аммо ҳар бир ноаниқ тўп узатишда, ўзини охир замонга тушиб қолгандай тутди. У бундай вақтларда хотиржам тутиши керак. У салоҳиятининг маълум бир қисмидан фойдаланди, холос.

Жамоа қойилмақом мавсумни ўтказмоқда. У ўзгача чиқиши учун, хотиржам бўлишимиз ва диққат-эътиборни қочирмаслигимиз керак", - дейди Аллегри.