Озарбайжон пойтахти Боку шаҳрида "Ислом бирдамлик ўйинлари" якунланди.
Сўнгги кунда ҳамюртимиз Сабина Шарипова теннис спорт турининг яккалик йўналишида бронза медалини қўлга киритди.
Учинчи ўрин учун кечган баҳсда Ўзбекистонлик ракетка устаси Уммон давлатидан бўлган Ал-Набҳанийни 2:0 (6:2, 6:2) ҳисобида мағлубиятга учратди ва бронза медалини қўлга киритди.
Мазкур медал Ўзбекистон делегацияси учун сўнги 63-медал бўлди. Олтин ва кумуш медаллар эса туркиялик қизларга насиб этди.
Шу билан ҳамюртларимиз мусобақада жами 15та олтин, 17та кумуш ва 31та бронза медали билан 4-ўринни эгаллашди.
