Ozarbayjon poytaxti Boku shahrida "Islom birdamlik o‘yinlari" yakunlandi.
So‘nggi kunda hamyurtimiz Sabina Sharipova tennis sport turining yakkalik yo‘nalishida bronza medalini qo‘lga kiritdi.
Uchinchi o‘rin uchun kechgan bahsda O‘zbekistonlik raketka ustasi Ummon davlatidan bo‘lgan Al-Nabhaniyni 2:0 (6:2, 6:2) hisobida mag‘lubiyatga uchratdi va bronza medalini qo‘lga kiritdi.
Mazkur medal O‘zbekiston delegasiyasi uchun so‘ngi 63-medal bo‘ldi. Oltin va kumush medallar esa turkiyalik qizlarga nasib etdi.
Shu bilan hamyurtlarimiz musobaqada jami 15ta oltin, 17ta kumush va 31ta bronza medali bilan 4-o‘rinni egallashdi.