"Реал" клуби "Монако" ҳужумчиси Килиан Мбаппе ва "Милан" дарвозабони Жанлуижи Доннарумма билан оғзаки келишувга эришди, дея хабар беради Marca.
Энди мадридликлар президенти Флорентино Перес футболчиларнинг ўтиши борасида якуний тўхтамга келиши учун жамоа устози Зинедин Зиданнинг таътилдан қайтишини кутмоқда.
"Милан" раҳбарияти Доннаруммани 2018 йилнинг ёзигача, унинг шартномаси муддати тугагунча сотмаслигини маълум қилган эди. Бу "Реал" учун айни муддао, агар Жанлуижи ваъдасида турса бошқа клубга ўтмайди.
Мбаппега келсак, у "Реал"да ўйнаш ҳақида қарор қилиб бўлди, тахмин қилинаётган трансфер суммаси 130 млн еврони ташкил қилади.
