Дортмунднинг «Боруссия» клуби «Барселона» вакилларининг ҳаракатидан норози.
Mirror хабарига кўра, Каталония клуби «Боруссия»нинг 20 ёшли футболчиси Усмон Дембеле билан 5 йиллик шартнома ҳақида келишиб олган. Бироқ, «Боруссия» билан ҳеч ким музокара ўтказмаган. ФИФА қоидасига кўра, узоқ муддатли шартномага эга футболчилар билан клубининг рухсатисиз музокара ўтказиш тақиқланган. Энди «Боруссия» «Барселона» вакилларини судга бериш билан таҳдид қилмоқда.
Германия чемпионатининг ўтган мавсумида Усмон Дембеле 32 ўйин ўтказиб, 6та гол урган ва 12та голга ҳаммуаллифлик қилди. Бундан ташқари у мавсумнинг энг яхши ёш футболчиси деб топилди.
