Ўзбекистон миллий терма жамоасининг ЖЧ–2018 саралаш босқичи сўнгги икки ўйинига тайёргарлик кўриши муносабати билан Олий Лига 19-тур ўйинлари тақвимида ўзгариш юз берди.
2017 йилги ЎзПФЛ регламентининг 4-моддаси, 4.24-пунктига мувофиқ, Ўзбекистон миллий терма жамоасига уч ва ундан ортиқ футболчиларнинг чақирилиши муносабати билан 25–26 август кунларида бўлиб ўтадиган қуйидаги уч беллашув ҳозирча номаълум муддатга қолдирилди.
Мазкур учрашувлар қачон бўлиб ўтиши ҳақида маълумот кейинроқ берилади.
«Пахтакор» (Тошкент) – «Машъал» (Муборак);
«Сўғдиёна» (Жиззах) – «Насаф» (Қарши);
«Олмалиқ» (Олмалиқ) – «Локомотив» (Тошкент).
