Ҳужумчи Габриэль Жезус шу ёз "Арсенал"ни тарк этиши мумкин.
Журналист Фрэйзер Флэтчернинг маълумотларига кўра, Лондон клуби ўз футболчисини сотишга тайёр. Бразилиялик ўйинчини ўз сафига қўшиб олишга "Милан" қизиқиш билдирмоқда. "Россонерилар" форварднинг трансфери бўйича вариантларни ўрганиб чиқмоқда. "Арсенал" ўз ўйинчисини сотиш орқали 20 миллион фунт стерлинг ишлаб олмоқчи.
Габриэль Жезус 2022 йилда "Манчестер Сити"дан "Арсенал"га 52 миллион евро эвазига ўтган эди. Унинг Лондон клуби билан тузган шартномаси 2027 йилнинг 30 июнига қадар мўлжалланган. 2025/26 йилги мавсумда ҳужумчи "канонирлар" сафида барча мусобақаларда 27 та ўйин ўтказиб, 6 та гол урган ва 2 та голли узатмани амалга оширган. Transfermarkt портали Жезуснинг нархини 17 миллион еврога баҳоламоқда.
