«Арсенал» «Манчестер Сити»га ҳужумчи Алексис Санчесни 50 млн фунт эвазига қўйиб юборишдан бош тортди, деб хабар бермоқда Sky Sports.
«Шаҳарликлар» «канонирлар» томонидан дастлабки таклиф рад этилганига қарамай, чилилик форвардни таркибга қўшиб олиш ниятидан қайтаётгани йўқ.
Эслатиб ўтамиз, 28 ёшли футболчининг Лондон клуби билан шартномаси 2018 йилнинг ёзига қадар амал қилади.
Cанчес «Арсенал»га «Барселона»дан 2014 йилда 42,5 млн евро эвазига ўтганди. Арсен Венгер жамоаси таркибида ҳужумчи 145 учрашув ўтказди ва 72 та гол урди.
