«Arsenal» «Manchester Siti»ga hujumchi Aleksis Sanchesni 50 mln funt evaziga qo‘yib yuborishdan bosh tortdi, deb xabar bermoqda Sky Sports.

«Shaharliklar» «kanonirlar» tomonidan dastlabki taklif rad etilganiga qaramay, chililik forvardni tarkibga qo‘shib olish niyatidan qaytayotgani yo‘q.

Eslatib o‘tamiz, 28 yoshli futbolchining London klubi bilan shartnomasi 2018 yilning yoziga qadar amal qiladi.

Canches «Arsenal»ga «Barselona»dan 2014 yilda 42,5 mln yevro evaziga o‘tgandi. Arsen Venger jamoasi tarkibida hujumchi 145 uchrashuv o‘tkazdi va 72 ta gol urdi.