"Кристал Пэлас"нинг янги бош мураббийи Рой Хожсон АПЛнинг 6-турида "Манчестер Сити"дан (0:5) учралган мағлубиятдан кейин ўз фикрларини билдирди.

"Биринчи голни танаффусга яқин ўтказиб юбордик. Ўша эпизодда жамоа яхши ўйнай олмади. Биринчи бўлимда яхши ўйин кўрсатди, бироқ танаффусдан кейин эса концентрацияни йўқотдик

60-дақиқагача "Сити" голлар орасидаги фарқни учтагача оширди. Биз қарши ҳужумларда хавфли ўйнадик. Ҳисоб 0:1лигида гол уришимиз керак эди.

Ҳар доим жамоа ҳақида ўйлаяман, ўйинчилар ҳам ўрганишмоқда. Бугунги ўйинимизда бир неча бор мухим вазиятларга эга бўлдик. 0:5 ҳисобидаги мағлубият жамоага қаттиқ дарс бўлади", — дейди мураббий.