«Сток Сити» ҳужумчиси Питер Крауч захирадан майдонга тушиш бўйича Англия премьер-лигаси рекордини янгилади.
36 ёшли футболчи «Брайтон»га қарши баҳснинг (2:2) 73-дақиқасида Жердан Шакирининг ўрнига ўйинга қўшилди. Шу тариқа, Крауч АПЛдаги фаолияти давомида 143-марта захирадан майдонга тушди. Бу кўрсаткич бўйича у «Ньюкасл» клуби собиқ футболчиси Шол Амеобининг (142)натижасини ортда қолдирди.
Питер захирадан майдонга тушганидан кейин рақиблар дарвозасини 15 марта ишғол қилди. АПЛда захирадан майдонга тушиб, энг кўп гол урган футболчилар рўйхати қуйидагича: Жермейн Дефо (23), Уле Гуннар Сульшер (17) ва Нванкво Кану (17).