Кеча Англия Премьер Лигасининг 16-тури доирасида "Арсенал" клуби сафарда "Саутгемптон" жамоасига қарши баҳс олиб борди.
1:1 ҳисобида якунланган ўйиннинг 88-дақиқасида Оливье Жиру боши билан гол уриб, "канонирлар"ни мағлубиятдан қутқариб қолди. У ўйиннинг 72-дақиқасида Александр Ляказетт ўрнига майдонга тушганди.
Шу тариқа, 31 ёшли футболчи битта клуб сафида захирадан ўйинга қўшилгандан кейин урилган голлар сони бўйича АПЛ рекордни такрорлади.
Жиру энди Уле-Гуннар Сульшер билан тенглашиб олган, бу норвегиялик собиқ футболчи ҳам "Манчестер Юнайтед" учун ўйинларда захирадан тушиб, 17 марта гол урганди.
