Италиянинг «Лацио» клуби бош мураббийи Симоне Инзаги шогирди – ярим ҳимоячи Сергей Милинкович-Савичга европа топ клубларидан бўлаётган қиқишларга ўз муносабатини билдирди.
«Сергей 22 ёшда, ҳозирда у ҳар томонлама яхши ўйин кўрсатиб, ривожланишда давом этмоқда. Шундай экан унга қизиқиш бўлиши табиий.
У билан кўп суҳбатлашиб турамиз ва Савич «Лацио»даги барча нарсадан мамнун. Қайси жамоадан қандай таклифлар бўлмасин буни жамоа раҳбарияти ҳал қилади ва буни Сергей яхши тушунади.
Бизнинг футболчи бундай катта эътиборда турганидан мамнунман ва бу барча ишларни тўғри олиб бораётганлигимиздан дарак беради.
У ўтган йили жамоа билан узоқ йиллик шартнома имзолаганди ҳозирча барча нарса уни қаноатлантирмоқда.
Умид қиламанки, у шу руҳда давом этиб, Поль Погбадан ҳам кучли футболчига айланади» – дейди Индзаги.
