Мексикалик ҳакам Хосе Вальдемар Эрнандес Капетильо ҳаваскор футболчининг ҳужумидан сўнг шифохонада вафот этди.
Футболчи қизил карточка олганидан сўнг ғазабланиб ҳакамнинг бошига урган, дея хабар беради The Sun.
Ҳакам 24 декабрь куни кучли мия чайқалиши билан шифохонага етказилган. У бир ҳафта ҳушсиз ётди, шифокорлар унинг ҳаёти учун курашдилар. Мексика футбол ҳакамлари ассоциацияси раҳбари Валентин Рамиреснинг фикрича, бундай воқеаларга йўл қўйиб бўлмайди ва у қаттиқ жазоланиши керак.
Мексика ОАВ хабарига кўра, футболчининг исм-шарифи Милтон ва у "Гвадалахар" клубида ўйнайди. Футболчи ҳозир ҳибсда сақланмоқда.
