Англия терма жамоаси собиқ футболчиси Гари Линекер “Тоттенхэм” клуби ҳужумчиси Харри Кейн ҳақида илиқ фикрлар билдирди.
Англия терма жамоасига ЖЧ-2018да Кейн қандай ёрдам бера олади?
Шубҳасиз Кейн энг асосий футболчи. У универсал ҳужумчи. Харри ҳар қандай вазиятни голга айлантира олади. Кейнда умуман ожиз нуқта йўқ. Қисқа қилиб айтганда, у Англия учун жуда ҳам керакли футболчи.
Кейнни қайси афсонавий футболчига таққослаш мумкин?
Англия терма жамоаси тарихида кўплаб кучли ҳужумчилар ўйнашган. Шахсан мен Харрини Алан Ширерга таққослаган бўлардим. Унинг жисмоний ҳолати Аланникига ўхшаб кетади. Кейн Ширер каби гол уради. Кейнни кўрсам, худди Ширер яна майдонга қайтиб қолгандек туюлади”, - дейди Линекер.
