Аргентиналик футбол афсонаси Диего Марадонага АҚШга кириш учун виза берилмади дея хабар беради AS.
57 ёшли собиқ футболчи март ойида собиқ турмуш ўртоғи билан Майамида бўлиб ўтадиган суд масалалрини муҳокама қилиш учун отланган эди. Аммо яқинда телеинтервьюларнинг бирида Марадона АҚШ президенти Дональд Трампни "чиролито" - қўғирчоқ деб атаган эди. Аргентинада бу сўзни аҳамиятсиз нарсаларга ҳам ишлатадилар.
"Виза олишга яқин қолганимизда, Диегони "АҚШ ҳақида ҳеч нарса дема" деб огоҳлантирган эдим", - дейди Марадонанинг юристи Матиас Морла.
АҚШ 1994 йилги жаҳон чемпионатида гиёҳванд моддалари истеъмолида гумонланган Марадонанинг визасини бекор қилган эди. Шундан буён Марадона бу мамлакатга бормаган.
