Хитой Тайпейида давом этаётган футзал бўйича Осиё чемпионати чорак финалида Ўзбекистон футзал терма жамоаси бугун  Вьетнамга қарши баҳс олиб бориб, 3:1 ҳисобида ғалаба қозонди.

Ўзбекистон терма жамоаси таркибида голларга Машраб Одилов, Даврон Чориев ва Илҳом Ҳамроевлар муаллифлик қилишди. 
Энди Ўзбекистон терма жамоаси Осиё чемпионати ярим финалида Эронга қарши ўйин ўтказади. Учрашув 9 февраль куни соат 16:00да бошланади.

Вьетнам – Ўзбекистон 1:3
Голлар: П.Т.Луан 29 - М.Одилов 9, Д.Чориев 29, И.Ҳамроев 39.
Вьетнам (биринчи бешлик): 1.Нго Дин Туан, 4.Ко Три Киет, 5.Нго Нгог Сон, 8.Ву Куос Ҳунг, 10.Ву Дук Тунг.
Захира: 2.Нгуен Ван Ҳай, 3.Ли Куос Нам, 7.Пунг Тронг Луан, 9.Тран Таи Ҳай, 11.Чу Ван Тен, 12.Конг Дин Ҳунг, 13.Дин Ван Тоан, 14.Нгуен Дак Ҳай.
Ўзбекистон (биринчи бешлик): 1.Рустам Умаров, 14.Константин Свиридов, 11.Артур Юнусов, 7.Дилшод Раҳматов, 8.Фарҳод Абдумавлонов.
Захира: 12.Акмал Хазратқулов, 6.Илҳом Ҳамроев, 4.Ихтиёр Ропиев, 9.Даврон Абдураҳмонов, 13.Ҳусниддин Нишонов, 5.Дилмурод Шавкатов, 3.Машраб Одилов, 2.Анасхон Раҳматов, 10.Даврон Чориев.
Огоҳлантириш: Д.Раҳматов, 2.