Бугун, 3 март куни “Насаф” таркибига ярим ҳимоячи Бобир Давлатов келиб қўшилди.

Муқаддам Муборакнинг “Машъал”, Қозоғистоннинг “Жетису” ва “Ақтубе”, Россиянинг “Нефтехимик” ҳамда Тошкентнинг “Локомотив” клубларида тўп тепган футболчи энди “Насаф” клуби шарафини ҳимоя қилади.

Бобир Давлатов шунингдек мамлакатимизнинг U-17, U-19 терма жамоаларида ҳам ўйнаган.

22 ёшли Бобир давлатов, ўзбек футболи ишқибозларига яхши таниш бўлган, Давлатовлар сулоласи вакили ҳисобланади.

Вақтида, Давлатовлар сулоласининг вакили Бахтиёр Давлатов (марҳум) ҳам жамоамиз сафида тўп тепган эди.

“Бобир Давлатов жамоамиз сафида тўп тепиб, клубимиз ютуқларига муносиб ҳисса қўшади деган, умиддамиз”, - дея ёзади “Насаф” Матбуот хизмати.