“ПСЖ” спорт директори Антеро Энрике жамоа устози Унаи Эмери билан боғлиқ вазиятга ойдинлик киритди.

“Унаи Эмери — клубнинг мураббийи. Унинг шартномаси ва у қолади. Ҳар куни турли миш-мишларга кўзимиз тушади, аниғи шуки, биз Эмерининг ўрнига бошқа мураббий олиб келишни ўйлаганимиз йўқ. Ҳеч қайси мураббий “Мен “ПСЖ” билан музокара ўтказдим”, деб айта олмайди. Мухлислардан ҳар хил гап-сўзларга эмас, биз расман маълум қилган хабарларга ишонишларини сўрардик”, деди Энрике.

Маълумот учун, Эмерининг амалдаги шартномаси 2018 йил ёзида якунига етади.