Германия чемпионатининг 28-тури доирасида азалий тўқнашув бўлиб ўтди. "Бавария" ўз майдонида Дортмунднинг "Боруссия" клубини қабул қилиб, ўта йирик ҳисобда ғалаба қозонди.

Мюнхенликлар танаффусга қадар рақиб дарвозасини нақ 5 марта ишғол этишди. Ўйин сўнгида Левандовски "Боруссия" дарвозасига олтинчи голни уриб, учрашувда "хет-трик"ни расмийлаштирди.

Хайнкес шогирдлари кейинги турдаёқ Бундеслига ғолиблигини қўлга киритиши мумкин.

Германия чемпионати, 28-тур
Бавария – Боруссия Д 6:0 (5:0, 1:0)
31 март, 21.30, «Альянц-Арена»
Голлар: 1:0 – 5 Левандовски, 2:0 – 14 Хамес, 3:0 – 23 Мюллер, 4:0 – 44 Левандовски, 5:0 – 45 Рибери, 6:0 – 87 Левандовски.
Бавария – Ульрайх, Рафинья, Алаба (Киммих, 46), Боатенг, Мартинес, Рибери (Руди, 69), Хамес (Алькантара, 65), Роббен, Хуммельс, Левандовски, Мюллер.
Боруссия Д – Бюрки, Пишчек, Папастатопулос, Аканджи, Шмельцер, Пулишич (Филипп, 74), Гетце (Шахин, 78), Кастро (Вайгль, 29), Дауд, Шюррле, Батшуайи.
Огоҳлантиришлар: Рибери (65), Вайгль (65).