"Локомотив" эртага Осиё Чемпионлар Лигаси гуруҳ босқичи 6-тур ўйинлари доирасида Эроннинг "Зоб Аҳан" жамоаси қаршилигини енггишга уриниб кўради.
Бугун мазкур баҳс олдидан матбуот анжумани бўлиб ўтди. Унда Андрей Микляевдан сўнг Сардор Рашидов иштирок этди.
- Бизни олдинда қийин ўйин кутмоқда. Ҳар икки жамоада ҳам кейинги босқичга йўл олиш имкони мавжуд. Биз ҳам эртага барча ишқибозларимизни хушнуд этишга ва ғалабани тантана қилишга уринамиз. Мен нега илгаргидек кўп гол киритмаяпман? Балки бу омад билан боғлиқдир. Ҳар бир баҳсда имконим борча яхши ўйин намойиш этишга ва жамоамга наф келтиришга ҳаракат қиляпман, - деди Сардор Рашидов.
