Эртага 7-тур доирасида ўтказиладиган "Металлург" ва "Пахтакор" жамоалари ўртасидаги учрашув олдидан йиғилиш бўлиб ўтди дея хабар беради "Пахтакор" расмий сайти.
Унда беллашувни яхши ташкил қилишда ёрдам берадиган турли масалалар комиссар ҳамда клублар вакиллари томонидан муҳокама қилиб ўтилди. "Пахтакор" эртанги беллашувда сариқ рангли либосда майдонга тушиши маълум бўлди. Пойтахтликлар дарвозабони эса яшил либосда ўйнайди.
"Металлург" оқ рангли либослардан фойдаланади. Ҳакамлар қора либосларда ўйинни бошқариб боришади.
"Металлург" ва "Пахтакор" жамоалари ўртасидаги учрашув 19 апрель, пайшанба куни 18:00да "Металлург" стадионида бошланади.
