"Интер" ҳужумчиси Мауро Икарди "Сассуоло"дан учралган мағлубиядан сўнг (1:2) фикрлари билан ўртоқлашди.
"Интер" ушбу мағлубиятдан сўнг чемпионлар лигаси йўланмасидан қуруқ қолиши мумкин.
"Мен афсусдаман. Биз ғалаба қозонмоқчи эдик, аммо "Сассуоло" бугун зўр ўйнади. Мавсумни ажойиб бошлаган эдик, кейин пасайдик, аммо шунга қарамай, бажарган ишларимиздан фахрланаман. Мавсумдаги мақсадимиз - чемпионлар лигаси йўлланмаси. Умид қиламанки, "Кротоне" "Лацио"дан очко тортиб олади ва бизга "Лацио" билан ўзаро ўйинда ЕЧЛ йўлланмасини ҳал қилиш имкониятини олиб беради", - дейди Икарди.
Бугун "Лацио" сафарда "Кротоне" билан ўйнайди. Дуранг ёки римликлар мағлубиятга учраган тақдирда, охирги турда "Лацио" ва "Интер" ўртасидаги ўзаро учрашув ЕЧЛ йўлланмаси учун курашга айланади.
