Германия терма жамоаси ва бош мураббийи Йоги Лёв яна ғолиб чиқадими? Компьютер жавоб беради: "ҳа".
Компьютерлар адашмайди, тўғрими? Нима бўлганда ҳам, швейцариянинг UBS банкининг юқори унумли копьютерлари Россияда ўтадиган ЖЧ-2018 мусобақасида Германия терма жамоасининг чемпионликни ҳимоя қила олишини аниқлади.
Шу тариқа, Йоахим Лёвнинг жамоаси 24 фоиз эҳтимол билан 32 терма жамоа ичида энг яхши кўрсаткичга эга бўлди. Ундан сўнг Бразилия (19,8), Испания (16,1) ва Англия (8.5) ўрин олган.
Бу тахминлар Монте-Карло моделлаштириш усулини қўлловчи статистика асосида аниқланди. UBS компьютерларида 10 000 дан ортиқ виртуал мусобақалар ўтказилди ва натижа шуни кўрсатдики, англияликлар айтганидек, охирида Германия ғолиб чиқади.