“Металлург” – “Насаф” учрашувидан сўнг ўтказилган матбуот анжуманида меҳмон жамоа бош мураббийи Рўзиқул Бердиев ўйин ҳақидаги фикрларини билдириб ўтишди.
- Тайёр ғалабани қўлдан бой бердик. Бунга ўзимиз айбдормиз, албатта. Агар иккинчи бўлимда ҳам дастлабки бўлимдагидек ўйнаганимизда, ғалаба қозонган бўлардик. Лекин иккинчи бўлимда йигитларимиз курашдан тўхтаб қолишди. Захирадан майдонга тушган футболчиларимиз ўйинимизни кучайтира олишмади негадир. Ёзги танаффусда жамоамизда ўзгаришлар бўлади, албатта. Ҳозир асосан етакчи ўйинчиларимизни жамоамиз сафида олиб қолиш ҳақида кўпроқ бош қотираяпмиз, - деди Рўзиқул Бердиев.
