Бельгия терма жамоаси ЖЧ-2018 1/8 финалида Японияга қарши ўйинда характер кўрсатди (3:2).

Бельгияликлар иккинчи бўлимда 0:2 ҳисобида ортда бораётиб, якунда 3:2 ҳисобида ғалаба қозондилар.

Тарихда жаҳон чемпионатлари плэй-оффларида бундай камбэк 1970 йилда Германия томонидан амалга оширилган. Немислар қўшимча вақтларда Англияни 3:2 ҳисобида таслим этганлар.

Шунингдек, Бельгия 1966 йилдан буён икки тўп фарқ билан ортда бораётиб плэй-оффнинг асосий вақтида ғалабани илиб кетган биринчи терма жамоа бўлди.

Шунга ўхшаш ҳолат ЖЧ-1966 да Португалия - Шимолий Корея учрашувида бўлган. Португаллар осиёликларни 5:3 ҳисобида мағлуб этишган.