ЖЧ-2018 финалининг энг яхши ўйинчиси Антуан Гризманн финал учрашувидан сўнг фикрлари билан ўртоқлашди.
"Бахтиёрлигимни ҳамма билан бўлишишни, мен билан, жамоамиз билан фахрланишларини истайман. Бу ҳаётимдаги энг яхши иш бўлди. Бу футболчининг ҳаётида содир бўладиган энг яхши нарса.
"Олтин тўп"? Қарорни мен чиқармайман, бу савол менга эмас. Асосий мақсадга эришилди, "Олтин тўп" бонус бўлиши мумкин.
Видеотакрордан кейинги пенальти? Аввалига пенальти бўлди, деб ўйламагандим, аммо Жиру айтдики, тўп хорватнинг қўлига тегибди. Пенальтидан аввал бир трюк бажардим. Қандай? Буни айтмайман, чунки яна футбол ўйнашда давом этаман", - дейди Гризманн.
