Пойтахтимизда Марказий Осиё футбол ассоциацияси мусобақаси — “CAFA U-15 championship” турнири давом этмоқда.     Ушбу мусобақада Ўзбекистон, Туркманистон, Афғонистон, Қирғизистон, Тожикистон ва Эроннинг 15 ёшгача бўлган ўсмирлари иштирок этишяпти.    Бугун мусобақанинг тўртинчи тур ўйинлари бўлиб ўтади. Соат 18:00да "Миллий" стадионида Қирғизистон U-15 терма жамоаси Тожикистонга қарши баҳс олиб борса, худди шу вақтда "Бунёдкор" клубига қарашли академия  майдонида Афғонистон U-15 терма жамоаси Туркманистонга қарши майдонга тушади.     Соат 21:00да эса "Миллий" стадионида Азамат Абдураимов шогирдлари эронлик тенгдошларига қарши майдонда саф тортишади.   18:00 Қирғизистон U-15 - Тожикистон U-15 ("Миллий") 18:00 Афғонистон U-15 - Туркманистон U-15 ("Бунёдкор" ФК академияси) 21:00 Эрон U-15 - Ўзбекистон U-15 ("Миллий")    Учта ўйинда учта ғалабага эришган Ўзбекистон U-15 терма жамоаси  жадвалда пешқадамлик қилаётганини ҳам таъкидлаб ўтиш зарур.