Қирғизистон терма жамоаси ўз майдонида Сурия термаси билан ўртоқлик учрашувида майдонга тушди. Бишкекда бўлиб ўтган ўйинда кутилмаганда қўшниларимиз сурияликларни мағлуб этишди.

Ўйинни биринчи бўлимида ҳисоб очилмади. Иккинчи бўлимнинг сўнгги дақиқалари воқеаларга бой бўлди. 77-дақиқада Жиргалбек уулу Кайрат мезбонларни олдина олиб чиқди. Орадан бир дақиқа ўтиб асабларини жиловлай олмаган Маҳмуд Ал Мавас қизил карточка олиб майдонни тарк этди.

81-дақиқада Омар ал Сома пенальтидан ҳисобни тенглаштирди. 88-дақиқада Бекжан Сагинбаев қирғизларнинг иккинчи голини урди. Бунинг устига Суриянинг яна бир ўйинчиси қизил олиб майдонни тарк этди ва тўққизта қолган меҳмонлар қолган дақиқаларда ҳеч нарса қила олишмади.

Ўртоқлик ўйини

Қирғизистон – Сурия - 2:1 (0:0, 2:1)

Голлар: 1:0 – 77 Кайрат, 1:1 – 81, пенальти Ал Сома, 2:1 – 88 Сагинбаев.