Qirg‘iziston terma jamoasi o‘z maydonida Suriya termasi bilan o‘rtoqlik uchrashuvida maydonga tushdi. Bishkekda bo‘lib o‘tgan o‘yinda kutilmaganda qo‘shnilarimiz suriyaliklarni mag‘lub etishdi.

O‘yinni birinchi bo‘limida hisob ochilmadi. Ikkinchi bo‘limning so‘nggi daqiqalari voqealarga boy bo‘ldi. 77-daqiqada Jirgalbek uulu Kayrat mezbonlarni oldina olib chiqdi. Oradan bir daqiqa o‘tib asablarini jilovlay olmagan Mahmud Al Mavas qizil kartochka olib maydonni tark etdi.

81-daqiqada Omar al Soma penaltidan hisobni tenglashtirdi. 88-daqiqada Bekjan Saginbayev qirg‘izlarning ikkinchi golini urdi. Buning ustiga Suriyaning yana bir o‘yinchisi qizil olib maydonni tark etdi va to‘qqizta qolgan mehmonlar qolgan daqiqalarda hech narsa qila olishmadi.

O‘rtoqlik o‘yini

Qirg‘iziston – Suriya - 2:1 (0:0, 2:1)

Gollar: 1:0 – 77 Kayrat, 1:1 – 81, penalti Al Soma, 2:1 – 88 Saginbayev.