"Ювентус" бош директори Беппе Маротта фаолиятини "Интер"да давом эттириши мумкин.
Аввалроқ 61 ёшли италиялик 25 октябрь куни туринликлар клубини тарк этиши ҳақида маълум қилган эди. Маротта "Ювентус"да 8 йил фаолият кўрсатди.
Маротта "Интер"га эгалик қилувчи Suning Group компанияси бош вакили билан учрашган ва розилик бергани айтилмоқда.
Томонлар "Интер"ни Италия ва Европада биринчи ўринга қайтариш масалалри муҳокама қилдилар.
"Ювентус" Маротта даврида 7 марта Италия чемпиони, 4 марта Италия кубоги соҳиби, 3 марта Италия Суперкубоги соҳиби бўлган ва ЕЧЛ финалига икки марта етиб борган.
Маротта аввал "Сампдория"да ишлаган ва ўз номини танитган.
