АГМК – “Қўқон-1912” учрашувидан сўнг мезбонлар бош мураббийи Бахтиёр Ашурматов қуйидагича фикр билдирди:

- Бугун барча байрам кайфиятида эди. Лекин умуман кутилмаган ўйин намойиш этдик ва мағлуб бўлдик.

Бунинг учун мухлисларимиз ва раҳбарият олдида ҳижолатдаман. Биласизми, майдонда жамоамни таний олмадим, десам ҳам бўлади. Кубокни қўлга киритдик.

Лекин чемпионатда элитада жон сақлаб қолиш учун кураш олиб боряпмиз. Ҳаёт кубок финалидаги ғалаба билангина тўхтаб қолмайди.

Чемпионатда ҳам ўйнаш, ғалаба қозониш зарур. Буни энди бафуржа муҳокама этиб оламиз, - деди мураббий.