«Реал»нинг янги бош мураббийи Жозе Моуриньо мадридликлар клуби унинг қўл остида қайси схема бўйича ўйнашини ҳал қилди.

Журналист Марио Кортегананинг маълумотларига кўра, португалиялик мутахассиснинг режасига кўра, жамоа «4-2-3-1» схемаси бўйича иккита таянч ярим ҳимоячиси билан ҳаракат қилади. Битта таянч ярим ҳимоячиси қатъий ўз позициясида ўйнаб, ҳимоявий вазифаларни бажаради — бу вазифа Орельен Тчуаменига топширилади. Иккинчи таянч ярим ҳимоячиси эса майдонда кўпроқ эркинликка эга бўлади. Бу ролни Федерико Вальверде ёки агар «Реал» янги трансферни амалга оширса, янги келган ярим ҳимоячи бажариши кутилмоқда.

Эслатиб ўтамиз, 2025/26 йилги мавсум якунларига кўра, «Реал» Ла Лигада иккинчи ўринни эгаллаб, чемпионликни «Барселона»га бой берган эди.