Футбол бўйича Тожикистон миллий терма жамоаси Доҳада бўлиб ўтган тўрт кунлик ўқув-машғулотларини якунлади.

Тожикистон футбол федерацияси матбуот хизмати ходими Фаридун Солиевнинг маълумотига кўра, 10 декабрь куни жамоа Доҳадаги сўнгги машғулотини ўтказган.

11 декабрь куни Тожикистон миллий терма жамоаси Масқатга борди. У ерда жамоа Ўмон терма жамоаси билан иккита ўртоқлик учрашувини ўтказади. Қайд этиш лозимки, Ўмон терма жамоаси 2019 йилги Осиё кубоги финал босқичида Япония, Ўзбекистон ва Туркманистон терма жамоалари билан бир гуруҳдан жой олган.

Тожикистон ва Ўмон ўртасидаги ўртоқлик учрашувлари 13 ва 16 декабрь кунлари бўлиб ўтади.

Тожикистон миллий терма жамоаси Масқатдан Манамага йўл олади ва у ерда 20 декабрь куни Баҳрайн терма жамоаси билан ўртоқлик учрашувини ўтказади.