Futbol bo‘yicha Tojikiston milliy terma jamoasi Dohada bo‘lib o‘tgan to‘rt kunlik o‘quv-mashg‘ulotlarini yakunladi.
Tojikiston futbol federasiyasi matbuot xizmati xodimi Faridun Soliyevning ma’lumotiga ko‘ra, 10 dekabr kuni jamoa Dohadagi so‘nggi mashg‘ulotini o‘tkazgan.
11 dekabr kuni Tojikiston milliy terma jamoasi Masqatga bordi. U yerda jamoa O‘mon terma jamoasi bilan ikkita o‘rtoqlik uchrashuvini o‘tkazadi. Qayd etish lozimki, O‘mon terma jamoasi 2019 yilgi Osiyo kubogi final bosqichida Yaponiya, O‘zbekiston va Turkmaniston terma jamoalari bilan bir guruhdan joy olgan.
Tojikiston va O‘mon o‘rtasidagi o‘rtoqlik uchrashuvlari 13 va 16 dekabr kunlari bo‘lib o‘tadi.
Tojikiston milliy terma jamoasi Masqatdan Manamaga yo‘l oladi va u yerda 20 dekabr kuni Bahrayn terma jamoasi bilan o‘rtoqlik uchrashuvini o‘tkazadi.
