Суперлига йўлланмасини қўлга киритган “Андижон” жамоаси декабр ойида ўз қароргоҳида дастлабки ўқув-йиғин машғулотларини олиб борди.

28 декабр куни жамоа аъзолари шарафига байрам дастурхони ёзилди ва шу куни футболчиларга янги йил байрами муносабати билан қисқа муддатли таътил эълон қилинди.

“Бургутлар” энди режага кўра, 3 январ куни яна Андижонда йиғилади ва 7 январдан йиғин Тошкентга кўчади.

Мураббийлар штабининг қарорига кўра, жорий мавсум “Андижон” шарафини ҳимоя қилган Сирож Ҳамроев, Лазиз Убайдуллаев, Суннатилла Мамадалиев, Қадамбой Нурметов, Суннатулла Абдуллажонов, Жаҳонгир Омонов, Нодирхон Камолов, Шохруҳ Бойқўзиев ҳамда Элбек Отақулов сингари футболчилар дастлабки йиғинга таклиф этилмади.

Эндиликда ушбу футболчилар ўзларини бошқа жамоаларда синаб кўриши мумкин. Фурсати келганда, юқорида номлари келтириб ўтилган футболчиларнинг “Андижон” жамоаси равнақи йўлида қилган хизматлари учун миннатдорчилик билдириб, уларнинг келгуси фаолиятига омад тилаймиз.

"Андижон" матбуот хизмати.