“Челси” бош мураббийи Маурицио Сарри ярим ҳимоячи Каллум Хадсон-Одои ҳақида фикрларини билдириб ўтди.

“Раҳбарият уни январда қўйиб юбормаслигини маълум қилди. Балки у ёзда ҳам клубни тарк этмас.

Футбол майдонида у ўзини эркин тутади. Мен ҳақиқатдан ҳам ундан мамнунман. Лекин, унинг атрофида юз бераётган ишлардан унчалик ҳам мамнун эмасман. АПЛнинг барча клубларида бундай муаммолар бор, бундан хабарим бор.

Ёш футболчиларни олиб қолиш осон иш эмас. Каллум –18 ёшли футболчилар орасида Европанинг энг яхши футболчиси.

Аммо, унга ҳар бир ўйинда асосий таркибни ваъда қилолмайман. Буни иложи йўқ, чунки асосий таркиб вазиятгна қараб танланади.

Каллум кундан-кунга ривожланяпти. Ўйлашимча, у бизни ва Англиянинг келажаги”, - дейди Сарри.