"Локомотив" (0:2)дан учралган мағлубиятдан кейин "Ал Ваҳда" бош мураббийи Хенк Тен Кате матбуот анжуманида қатнашди ва ўз фикрларини билдириб ўтди.
- Дастлабки 25 дақиқада "Локомотив" катта босим уюштирди. Биз ўзгартириш қилганимиздан кейин барчаси ўзгарди. Бизда ҳам вазиятлар бўлди. Иккинчи бўлимда биз ўйинни бошқара олдик. Рақиб сафидаги Анзур Исмоилов боши билан яхши ўйнашини билардик. Илк голда уни кўздан қочирдик ва шу боисдан тезкор қўйиб юбордик. Иккинчи гол эса, тан олиш керак, жуда чиройли ва эффектив бўлди.
Мен фақатгина ўз жамоам ҳақида гапира оламан. Ахмоқона хатоларга йўл қўйдик. Балки БАА жамоалари Ўзбекистонда мағлуб бўлар. Аммо БААдаги ўйинларда ўзбек жамоалари мағлуб этилмоқда. Ўйин борасида гапирсам, бугун илк голдан кейин биз ўзимизни йўқотиб қўйдик. Балки мағлубиятга об-ҳаво ҳам сабабдир. Бу ер бироз совуқроқ экан.
