"Lokomotiv" (0:2)dan uchralgan mag‘lubiyatdan keyin "Al Vahda" bosh murabbiyi Xenk Ten Kate matbuot anjumanida qatnashdi va o‘z fikrlarini bildirib o‘tdi.
- Dastlabki 25 daqiqada "Lokomotiv" katta bosim uyushtirdi. Biz o‘zgartirish qilganimizdan keyin barchasi o‘zgardi. Bizda ham vaziyatlar bo‘ldi. Ikkinchi bo‘limda biz o‘yinni boshqara oldik. Raqib safidagi Anzur Ismoilov boshi bilan yaxshi o‘ynashini bilardik. Ilk golda uni ko‘zdan qochirdik va shu boisdan tezkor qo‘yib yubordik. Ikkinchi gol esa, tan olish kerak, juda chiroyli va effektiv bo‘ldi.
Men faqatgina o‘z jamoam haqida gapira olaman. Axmoqona xatolarga yo‘l qo‘ydik. Balki BAA jamoalari O‘zbekistonda mag‘lub bo‘lar. Ammo BAAdagi o‘yinlarda o‘zbek jamoalari mag‘lub etilmoqda. O‘yin borasida gapirsam, bugun ilk goldan keyin biz o‘zimizni yo‘qotib qo‘ydik. Balki mag‘lubiyatga ob-havo ham sababdir. Bu yer biroz sovuqroq ekan.
