«Vest Xem»ning 21 yoshli yarim himoyachisi Mateush Fernandesh Madridning «Real» klubiga o‘tishi mumkin. Bu haqda jurnalist Ekrem Konur ma’lum qildi.
Manbaning xabariga ko‘ra, «Real»ning yangi bosh murabbiyi Joze Mourinyu portugaliyalik futbolchini sotib olishga shaxsan o‘zi qiziqish bildirmoqda. Biroq «qaymoqranglilar» rahbariyati «Vest Xem» talab qilayotgan 93 million yevroni to‘lashni xohlamayapti.
Ma’lumotlarga ko‘ra, ushbu transfer qiyin, ammo amalga oshirib bo‘lmas darajada emas deb baholanmoqda. Ko‘p narsa Mourinyoning Fernandeshni sotib olish fikrida davom etishi yoki etmasligiga bog‘liq bo‘ladi.
2025/26 yilgi mavsumda yarim himoyachi barcha turnirlarda 42 ta o‘yinda maydonga tushib, raqiblar darvozasini 5 bor ishg‘ol qildi va 5 ta golli uzatmani amalga oshirdi.
