Turkiya terma jamoasi Jahon chempionati – 2026 dagi startni muvaffaqiyatsiz boshladi. Mundialning guruh bosqichidagi ilk bahsda Yevropa vakillari kutilmaganda Avstraliyaga 0:2 hisobida imkoniyatni boy berib qo‘ydi.
Turkiya terma jamoasi ustozi Vinchenso Montella hakamning final hushtagidan so‘ng o‘z fikrlari bilan o‘rtoqlashdi.
«O‘yin biz kutgan ssenariy bo‘yicha kechmadi. Avstraliyaliklar himoyadan o‘ynab, qarshi hujumlarga tayanishini bilardik. Ikkita gol o‘tkazib yubordik va ayni damda juda xafamiz. Shunga qaramay, jamoa o‘z xarakterini ko‘rsata oldi. Agar shu zaylda davom etsak, natijalar albatta keladi. Keyingi uchrashuvni bundan ancha yaxshi o‘tkazamiz», — deya mutaxassisning so‘zlarini keltiradi A Spor nashri.
Eslatib o‘tamiz, ikkinchi turda Turkiya terma jamoasiga Paragvay milliy terma jamoasi raqiblik qiladi.













