Kyurasao terma jamoasi bosh murabbiyi Dik Advokat futbol bo‘yicha jahon chempionatlari final bosqichi tarixidagi eng yoshi katta bosh murabbiyga aylandi.
Tarixiy natija AQSHning Xyuston shahrida o‘tayotgan JCH–2026 guruh bosqichidagi Germaniya va Kyurasao terma jamoalari o‘rtasidagi uchrashuvda rasman qayd etildi. O‘yin boshlangan vaqtda niderlandiyalik mutaxassis 78 yosh 260 kunlik edi.
Shu tariqa, Advokat amaldagi rekordni yangiladi. Avvalgi natija Chexiya terma jamoasi bosh murabbiyi Miroslav Koubekka tegishli bo‘lib, u JCH–2026 birinchi turida Janubiy Koreyaga qarshi uchrashuvda (1:2) 74 yosh 283 kunligida mazkur rekordni o‘rnatgan edi.
Qiziq jihati shundaki, bugungi uchrashuvda Advokatga qarshi maydon chetida Germaniya terma jamoasi ustozi Yulian Nagelsmann faoliyat olib bormoqda. U esa 38 yosh 326 kunligi bilan JCH–2026 ishtirokchi murabbiylari orasida eng yosh mutaxassis hisoblanadi.













