Ўзбекистон Суперлигаси 12-тур ўйинлари якунига етди. Ҳар доимгидек тур лауретларини эълон қилишда давом этамиз.
Stadion.uz талқинига кўра, Суперлига 12-турининг энг яхши футболчиси деб "Пахтакор” ҳужумчиси Игорь Сергеев топилди.
"Шерлар" ҳужумчиси “Қизилқум”га қарши кечган баҳсда 3та гол урди ва “Пахтакор”нинг йирик ғалабасига ўз ҳиссасини қўшди. Игорь яна аввалги даражасига қайтаётгани мухлисларни албатта хурсанд қилади.
Футболчи шунингдек, фаолияти давомидаги голлар сонини 100тага етказиб олди. Айни дамда Игорь Суперлига тўп урарлар орасида 5та гол билан 8-ўринда бормоқда.
Эслатиб ўтамиз, “Пахтакор” – “Қизилқум” баҳси “шерлар”нинг йирки 8:0 ҳисобидаги ғалабаси билан якунланган эди.
